أنا اتخنقت من الدنيا يارب أموت وارتاح
 |
| يارب |
انت عارف ان الدنيا دى مجرد دار مقر يعنى مرحلة بس بنمر بيها قبل ما نوصل للنهاية
,وأىّ طريق لازم يقابلك فيه مشاكل وقدرتك على تحمل المشاكل دى هى اللى بتحدد نهايتكـ
الدنيا فانية بكل مشاكلها مهما كبرت عشان كدا ما تستحقش انكـ تضايق نفسك
كل اللى يستحق هو " دينكـ " اكسب دينك وحافظ عليه هتعيش مرتاح مهما قابلتك مشاكل ^_^
بتقول " يارب أموت "
اسمع حديث الرسول صلى الله عليه وسلم :
"لا يتمنين أحدكم الموت لضر أصابه ، فإن كان لابد فاعلاً فليقل: اللهم أحيني ما كانت
الحياة خيرًا لي ، وتوفني إذا كانت الوفاة خيرًا لي" :))
مجرد تتمنى الموت بس رسولنا الكريم نهى عنه
خلى بالكـ واوعى تعصى كلام رسولكـ
" يارب اموت وارتااااااح "
متأكد إنكـ هترتاح !! مستعد للموت ؟!
مستعد تقابل ربنا ؟! ,, مستعد لظلمة القبر ؟!
انت متخيل الوقوف أمام ربنا والحساب على كل صغيرة وكبيرة !!
أظن لو مستعد مكنتش هتقول اتخنقت
لأن المؤمن القريب من ربه بيوصل لدرجة كبيرة من الراحة و ايمانه بيتغلب على مصائب الدنيا
بس أنا قريب من ربنا بصلى وبقرأ قرآن دايماً بس أنا فى مصيبة كبيرة ومش قادر اتحمل
قريب من ربنا مش معناها بصلى وبصوم وبقرأ قرآن بس
قريب من ربنا يعنى بتجمع بين حاجتين هم أساس الإيمان " الخوف والرجاء "
" ويرجون رحمته ويخافون عذابه " :))
يعنى وانت ساجد بتستشعر قرب ربنا ليكـ , بتبكى وبتدعى بكل ثقة إن دعاءك مستجاب عاجلا أو آجلا
{أمّن يجيب المضطر إذا دعاه ويكشف السوء} .... تأملها
بس انا دعيت كتير ولسة ربنا مش بيستجيب
لازم مع الدعاء يقين بالله والحاح كتير وكتير
قريب من ربنا يعنى وانت بتقرأ قرآن مؤمن بكل آية مش مجرد كلمات بترددها كل يوم
قريب من ربنا يعنى عارف إن أى مصيبة بتحصلكـ بتكفر عن سيئاتك و تقربك لربنا أكتر
يعنى إيمانك فى قلبكـ مش بس فى أفعالكـ :))
قال رسول الله صلى الله عليه وسلم " الإسلام علانية والإيمان فى القلب "
وفى النهادية دا اختبار من ربنا بيختبر درجة إيمانك
هل هتقدر تتحمل وتقول الحمد لله وانت راضى !!
ولا هتيأس وتنسى إن ليكـ رب كريم !!
قال تعالى : " وَلا تَيْأَسُوا مِنْ رَوْحِ اللَّهِ إِنَّهُ لا يَيْئَسُ مِنْ رَوْحِ اللَّهِ إِلا الْقَوْمُ الْكَافِرُونَ "
فتِّش فى قلبكـ عن الإيمان , عن الخوف والرجاء ,,, أكيد هترتاح
وأبشر بخير فإن الفارج الله
Subscribe Our Newsletter
0 Response to " أنا اتخنقت من الدنيا يارب أموت وارتاح "
إرسال تعليق